महाभूकम्प - २०७२

आयो आयो हेर भुइँचालो धरती थर्काउँदै
थोत्रा मोत्रा ती मक्किएका घर चर्काउँदै |

सन्त्रासको बास भयो आवास भयो कालसरी
छत भएन सुरक्षित खुला चउर र पालसरी |

विनास भो क्षणभरमै मरे कति दाजुभाई
पराकम्प र पुनराबृत्ति भयो साह्रै पीडादायी |

तत्क्षण जुटे जनता उद्दार कर्म निमित्तक
भक्कानियो विश्व पनि यो विनासमा एक पटक |

सद्भाव र हातेमालो, एकताको वास भो
पूनर्निर्माणका खातिर सहयोगको आश भो |

जागौं जुटौं यो विपत्तीमा मातृभूमि बचाउन
अझै सक्षम नेपालको निर्माणमा सघाउन |

लेखनाथ नगरपालिका, २०७२/१/३१