Gazal

तीन लोक चौध भुवन संसार तिमी मेरो लागि 
इश्वरको सर्वश्रेष्ठ उपहार तिमी मेरो लागि ।। 

रंगिचंगी फूल बीनाको वसन्तको के माधुर्य 
मोहनी त्यो मुस्कानको बहार तिमी मेरो लागि ।। 

तिमीले बोल्दा लाग्छ मिठो सारंगीको धुनजस्तो 
रेटुँ रेटुँ झैँ सितार्को तार तिमी मेरो लागि ।। 

आठै प्रहर दिन रात् सम्झनामा तिमी छाउँछ्यौ 
तिर्खा पानी भोक् अनि आहार तिमी मेरो लागि ।। 

पानी बीना माछा अनि घाम बीना छायाँ कहाँ 
ठानिसकेँ जीउनुको सार तिमी मेरो लागि ।। 

२०६४.१२.१३